周子揚開戲做「男一」
由歌手轉做演員的周子揚，到北京發展後接下4套網絡電影，最近亦參演電影《九龍不敗》，他說：「好彩有個拍檔支持我，我哋會喺香港、北京搞工作室，製作電影同影視項目，嚟緊我會為公司一套網絡電影做『男一』，投資約180至200萬人民幣。」自言「盡地一煲」的他，在圈中已浮沉7年，問到33歲的他可覺得遲起步？他說：「我會努力，遺憾係之前有啲地方做得唔好，可能有段時間掛住拍拖，令演藝事業冇咁順。」
談及與舊愛何傲兒的感情瓜葛，他說：「件事好圓滿地結束，希望新一年同佢都可以專心工作。」他坦言雙方再沒聯絡：「嗰時可能時間唔啱，或者基礎未打得穩。」他希望待事業有基礎後才談戀愛，期待識到好對象。