李佳芯谷劇獻Sing預告走音
三屆視帝羅嘉良昨日宣傳無綫新劇時，不但自爆自薦唱劇集主題曲，並反問記者「覺唔覺首主題曲特別好聽？」更搞爛Gag笑言：「我最叻啅人！」至於拍檔李佳芯曾出騷獻唱《小幸運》時走音，被問收視高會否高歌回饋觀眾時，她笑到合唔埋口說：「有機會嘅！」
藝人羅嘉良（撈家）、李佳芯（Ali）、鄭俊弘（Fred）和黃心穎等昨日在將軍澳出席無綫新劇《與諜同謀》之「有智有謀 再創高峰」活動。離巢八年再返娘家拍劇的撈家風騷勁搞Gag，提到他在《天地豪情》、《富貴門》及《與》劇中均姓卓，撈家笑說：「可能我最叻啅人！」而他亦向黃心穎與馬國明的緋聞抽水：「結咗婚嗱？打電話問吓明仔先！」非常搞笑。
妻女留京搞升學
問是否有監製與他傾再回巢開劇？撈家坦言正在考慮中，更搞笑說：「你哋覺唔覺首主題曲特別好聽？邊個唱o架呢？（好聽！）難得返嚟無綫拍劇，所以我都要求自己唱番主題曲。」而是否出碟則隨緣。問今次來港老婆和囡囡有否同行？他即指老婆正為四歲囡囡籌備升小學事宜，齊齊留在北京。
鄭俊弘唔敢爭寵
至於Ali被問到收視破30點會否唱歌回饋觀眾？曾在出騷時唱《小幸運》走音的她即笑到收唔到聲，更一路笑一路答：「40點就唱女版主題曲！（30點唱番《小幸運》？）有機會嘅，世事無絕對嘅！」而Fred則透露因不敢與撈家爭唱主題曲而唱片尾曲，更一錄完歌便請對方提點，獲益良多。
文：影視組