Ana R.露肉老公詐型
名模Ana R.昨晚出席同公司師妹伍靜麗（Angie）的生日派對，後日30歲生日的Angie獲預祝生日，其外籍男友James及公司其他Model好友亦有到賀。生日會主題是「運動健美」，Ana與壽星女齊齊以運動裝亮相，其中Angie大騷長腿，又與男友咀嘴，又Hot又Sweet！她表示生日願望是身體健康、開心和有愛，又指男友會送一份充滿驚喜的生日禮物，問到是否神秘求婚？她說：「唔會，我哋都係拍咗拖半年啫！」
至於Ana自爆婚後被老公嚴禁性感，但她未有理會，笑說：「次次我着得性感，之後就會收到老公電話，問點解會見到我個胸或者我條腿？拍拖時就話好鍾意我性感，又讚我身形好，結婚後唔同晒！（咁你衣着會唔會畀佢審批先？）唔會，所以每次都係事後先收到電話，不過呢個都係保持婚姻情趣嘅一種方法！」
