Karl寸奇葩：唔借豪宅影？

Seasun在無綫實況節目《有樓萬事足》語出驚人，揚言「有樓有高潮」、「冇樓唔好白撞」，昨日網上瘋傳疑似她在九龍塘時鐘酒店拍攝的「私影」全裸寫真！曾為無綫真人騷節目《求愛大作戰》擔任導師的Karl昨日與筱靖拍攝網上節目，透露早已認識Seasun，又大爆對方已改了十多次名：「識Seasun好耐，佢以前唔係呢個名，佢都改咗十幾個名，以前係G小姐。佢2012年參加國際旅遊小姐跟趙生（指趙世曾），嗰陣已經好爆，大家都知趙苑女主人唔係佢，但佢擺出嘅姿態係要Mark實趙生。」

怒斥P圖

對於Seasun在節目中語出驚人，成為網上討論熱話，Karl說：「佢喺節目講嘅有啲都係節目效果，岑應（節目編導）嘅節目就係咁爆咁貼地，都知佢花咗好多時間搵呢啲奇葩，但係可能啲女仔太過語出驚人，岑應都幾頭痕！以我認識，Seasun呢個女仔目標好清晰，只要唔傷害到人，唔犯法就得，亦可以代表部分女仔。見到佢輯相都想問佢，又話2,000呎先有高潮，點解要去九龍塘時鐘酒店影相，唔問人借間豪宅嚟影？」

另一邊廂，Seasun受訪時被問到網上瘋傳疑似其裸照，她不置可否：「我唔回應喇，唔想愈描愈黑。（有冇影過？）我唔答喇！（影過尺度咁大膽嘅寫真？）依家未有咁嘅機會。（介唔介意全裸影相？）影得靚嘅冇所謂！（拍三級片？）係靚嘅冇所謂！」再追問她疑似是祼照主角，她勞氣地指摘發布者惡意誹謗攻擊，又反問對方收了多少錢，指改圖改得過分應退錢云云。對於被指整容，她說：「求其搵張相PS完，又要話人哋整容，我都冇嘢講！」她其後向記者傳來幾張幾乎全裸、只遮蓋重要部位的照片，問到相中人是否她本人？她說：「P圖到咁，話係邊個都得啦！啲相我上網搵o架咋，你鍾意用咪用！」

監製唔擔心收視跌

此外，《有樓萬事足》前晚首播平均收視有17.3點，最高17.9點，約有116萬觀眾收看。監製張志明被問到Seasun的言論，以及流出疑似祼照，可擔心影響節目？他說：「唔會，有Seasun嘅片段已經播完，佢都係用自己嘅態度、角度去講個人睇法。」

文：影視組