安祖蓮娜新作首映 仔女晒冷
荷里活女星安祖蓮娜祖莉（Angelina Jolie）自與男星畢彼特（Brad Pitt）離婚後，前日首次公開亮相，出席其執導的赤柬生還者紀錄片《First They Killed My Father》於柬埔寨舉行的首映禮，同行有柬埔寨養子麥杜斯（Maddox）、養子柏斯（Pax）、養女莎夏娜（Zahara）、親生愛女舒蘆（Shiloh）及孖B慧雲（Vivienne）與諾克斯（Knox）！
安祖蓮娜於記者會上說：「我唔只想聚焦喺戰爭上，亦想表達家人嘅愛同國家嘅美麗，事實上我想了解我個仔（養子麥杜斯）親生父母可能經歷過嘅事。我想更了解佢，同埋更了解呢個國家。」安祖蓮娜與子女亦與柬埔寨國王西哈莫尼（Norodom Sihamoni）見面，她入鄉隨俗做出當地行禮手勢。首映禮上，麥杜斯有份發言多謝大家到場，自言好榮幸能與媽媽及家人現身宣傳，之後介紹妹妹舒蘆出場，舒蘆以柬埔寨語說：「我係舒蘆，我愛柬埔寨。」安祖蓮娜其後換上粉紅色露背晚裝騷紋身，彎身向國王行禮及獻花。
