JW Mark實富貴男友 肉緊打氣

歌手JW與富貴男友Tarzan愛得甜蜜，昨日她與一班朋友入馬場支持好友的愛駒出賽。手執彩票的JW非常肉緊，不停大叫打氣，相反男友就表現淡定，最終好友的愛駒跑第二。
JW與男友睇賽馬，表情勁肉緊。
JW與男友睇賽馬，表情勁肉緊。

JW對此說：「平時我有幫馬會做嘢，所以支持番佢哋啲活動。」她透露與朋友投注不多，每人夾了港幣100元，更直言：「冇乜贏輸。」至於她和男友愈愛愈高調，經常孖公仔出現公眾場合，是否計劃結婚？她笑說：「冇話咩好事近，不過好開心，多謝大家關心，都係勤力做嘢同錄新歌。」

得悉老友的愛駒跑第二，JW興奮舉晒手。
  • 得悉老友的愛駒跑第二，JW興奮舉晒手。