佗B孫慧雪唔跳得捲推Job風波

「宅男女神」孫慧雪前晚宣布懷孕三個月,但隨即爆出推Job風波,指她以接受了手術為由推Job。雪雪雖然捲入是非,仍無損迎接新生命的好心情,她笑言要待分娩才揭曉BB性別,又透露對追B早有部署!

34歲「宅男女神」孫慧雪去年12月下嫁圈外男友羅天彥後,極速造人成功,前晚雪雪在社交網站貼出近照,穿上平底鞋的她站在午夜街頭,以手在腹部擺出心形宣布懷孕喜訊,畫面勁有愛,她留言寫道:「這是上天送給我們最好的情人節禮物#終於可以公布了#三個月了。」事實上婚後的雪雪身形充滿孕味,懷孕傳言亦已有一段日子。

不過,本報收到讀者爆料,指當時已盛傳懷孕的雪雪,揚言會接受手術但仍表示能接Job,但最終卻以手術後休息不足為由推辭工作,令廣告商難以向客戶交代,認為雪雪有欠職業操守!對於推Job傳聞,雪雪昨日接受訪問時表示:「佢哋事先冇講明有跳躍同滑落動作,拍硬照時我已經盡力配合,後來對方取消拍攝,我亦有作出賠償,絕對唔係佢所講嘅咁,客人亦都明白。」

每日都嘔人又攰

雖然捲入是非,卻未有影響雪雪迎接新生命的心情,即將「升呢」人母的她說:「緊張呀!見到有BB嘅媽媽就會係咁問佢問題。(身體點?)平均每日嘔一至兩次,但都OK,因為聽過其他朋友仲嚴重,老公都好體諒,知道我好攰,成日叫我瞓覺休息。(想生仔定女?)冇所謂呀!都咁開心,我哋諗住唔問醫生BB係仔定女,等到時先知!」

計排卵期配飲食

工作方面,雪雪表示會繼續網上工作,亦會間中出席公開活動,不過會暫停拍劇。講到婚後不久即「中獎」有何心得?她直言早有部署,首先要計準排卵期,又自爆飲食方面亦有配合:「計咗時間之後,男方要食牛肉同生蠔,唔好飲酒,咁就容易有!哈哈哈!」

文:影視組