演藝世家出身的狄高達莊遜（Dakota Johnson）主演改編情慾小說電影系列而成功上位，近日宣傳系列續集時自爆因電影而更認識SM情色世界，繪形繪聲大讚性玩具又靚又美好，由乖乖女變身豪放女！
現年27歲的狄高達莊遜童星出身，前年與型男占美杜倫（Jamie Dornan）主演《格雷的五十道色戒》（Fifty Shades of Grey）而人氣急升，片中飾演遇上聰明才俊占美的純情大學生，被對方帶入SM世界後，立心以真愛改變占美。
事隔兩年，狄高達似乎已跟角色一起成長，近日宣傳續集《Fifty Shades Darker》更見100%大解放，大大聲為SM「平反」：「其實有啲性玩具真係好靚，當我拍第一集時，根本唔熟悉嗰個世界，但好快就發現有唔同層次，的確有啲係骯髒同討厭嘅，但仲有靚同別致嘅玩具！」仲話SM世界堅有真正美麗的一面。
與占美連場床戰的狄高達又表示對裸露完全零尷尬：「占美同我『緊密』合作咗好長時間，我哋真係『坦蕩蕩』，對大家零禁忌，而且好信任。」她更指連場火辣激戰冇化妝、冇戲服，亦冇珠寶襯托角色，完全靠演技：「我唔知到我胸部鬆弛時會唔會停拍裸露鏡頭，可能我對裸露戲有歐洲心態，唔想見到有人着住胸圍底褲拍親熱戲，誠實啲咁講，大家做愛都係赤裸o架啦！」不過她亦坦言要拍攝多場不同的床戰大有難度，更謂：「我哋唔係真做愛，而係7小時不間斷模仿做愛。」
文：外娛組