林作為錢肯全裸

「十優港姐」麥明詩前男友林作日前表示暫時放棄大律師執業，昨日他與母親現身公開活動，他澄清並非被剝奪大律師資格，只是不執業，是非執業大律師。他重申：「想趁後生試多啲唔同嘢。（做幕前？）唔係咁簡單，各方面，單一職業年代已經過去。我想學麥玲玲，佢係我偶像。我有好多計劃，遲啲會公布，想搵錢。（會唔會問麥明詩意見？）我唔回答。（啲人搵你做咩角色？）不斷有人搵我，都係傾吓。（畀錢你乜角色都肯做？）大舊錢嘅話我乜都肯做。（猥瑣角色呢？）得，為藝術犧牲。（全裸？）你畀幾多錢我先？（唔介意同麥明詩合作？）老闆畀得起錢，方力申同鄧麗欣都合體啦！我冇諗過呢個問題。」提到麥明詩被拍到與體育節目主持張存華約會，林作稱不會回答，又指張存華是朋友的朋友。