阿Sa新片入圍大阪亞洲電影節
英皇電影《原諒他77次》及《Mrs K》昨日傳來喜訊，於「第十二屆大阪亞洲電影節」入圍名單中，分別成為競賽單元及開幕電影。兩年前憑電影《雛妓》入圍同一電影節的蔡卓妍（阿Sa），如今再次入圍，身為《原》片女主角的她與劇組上下大感興奮，該片導演邱禮濤亦透露屆時將抽空出席電影節首映禮。
惠英紅、任達華孭飛的《Mrs K》已先後於釜山、新加坡及烏甸尼斯等電影節亮相，如今再受日本邀請成電影節開幕電影，任達華接受電話訪問時大表高興：「套戲都有入圍馬來西亞電影節，導演何宇恒帶個團隊好好，記得拍嗰時同小紅對打，我唔小心打傷咗佢，令佢入咗幾日醫院，我有話請佢食飯補數，但大家一直冇時間，所以依家有好消息，就等佢拍完戲返嚟再請食飯。」
