陳山聰、陳展鵬、林夏薇等主演的劇集《乘勝狙擊》進入結局周，飾演「義仔」的山聰前晚播出的一集成為狂人吳岱融的契仔，二人更上演肉緊咀嘴戲，令觀眾嚇了一跳。山聰先前與傅嘉莉及莊思敏有連場親熱戲，咀到嘴都歪，今次連岱融哥都咀埋，他笑說：「呢場係岱融哥諗出嚟，其實意大利好興咁樣錫，電影《教父》亦出現過類似情節，咀女咀到厭，梗係要咀吓靚佬啦！（佢主動咀你有冇嚇親？）冇喎，佢經驗咁老到，加上我哋入晒戲，自己未試過喺螢幕前同男藝人咀嘴，效果幾正吖！」
