謝絕同男友露營黃芷晴：佢保護唔到我
藝人黃芷晴前晚到太古出席以露營為主題的活動，她聲言不會與男友露營：「唔好啦，兩個人去好恐怖，可唔可以唔過夜？（驚咗男友？）驚蛇蟲鼠蟻，佢唔算好Man，保護唔到我，佢驚『小強』。」
芷晴又指情人節打算主動出擊：「我想買花、氣球，旨意男友去搞，可能我都返咗屋企瞓覺。（唔怕被人話唔矜貴？）冇所謂，最緊要大家開心，佢講咗情人節會煮大餐我食，我都唔介意邊個買花。（唔怕男友食住你？）唔驚，可能我阿爸阿媽驚啲，因為阿媽成日講『屋企係媽咪最大！』，爹哋都好聽佢講，佢哋都有問我，男友聽唔聽我話，我覺得暫時都OK！（你係會向男仔求婚嗰種女仔？）唔會，咁就太誇張，搵多啲錢先。」