江美儀自爆快「收經」趕唔切！
藝人江美儀及黃智賢（Ben）昨日宣傳無綫新劇，兩人在劇中飾演父母，他們表示有向家人取經，但仍怕不夠神似。Ben趁機催45歲的美儀生BB，美儀竟語出驚人自爆快將「收經」，Ben亦笑言自己已「收工」，不打算生BB。
江美儀、黃智賢（Ben）及陳琪等昨日到將軍澳宣傳劇集《親親我好媽》，眾人炮製湯圓及猜燈謎預祝元宵佳節。該劇於周二錄得最高收視28點，Ben表示自己集集都有追：「最緊要觀眾鍾意，我哋似足一家人，入到屋！」而美儀盛讚劇中小演員們演技出色，又指劇情能製造話題：「我知有小朋友為睇劇做晒功課，依家少一家人睇嘅劇，屋企人多咗話題，幾意外！」
事前向家人取經
Ben表示為扮演父母，事前有向家人取經：「最大問題係我同美儀冇小朋友嘛！」而「愛狗之人」美儀就說：「我都係將教狗嗰套放落小朋友身上。（期望收視有30點？）可遇不可求！始終唔係真父母，擔心做唔到個效果。」Ben即「口痕」催美儀結婚，美儀竟出其不意，突然自爆就快「收經」：「依家嫁都趕唔切生啦！醫生話我過多兩年收經！」隨即反催Ben生BB，Ben說：「我都收……工啦！事業為重呀！」
至於陳琪則透露情人節會跟家人打邊爐享天倫：「一早買餸，等細路同老人家一齊三代同堂！（冇得同老公胡諾言二人世界？）從來冇，生小朋友之後就成日五人行！」她笑言若老公送花反而會被責罵，有錢應該留給小朋友。
陳琪當老公冇到
早前誕下兒子胡澔餛的陳琪，表示最期待與「小情人」過節，一於當老公冇到：「囡囡係爸爸小情人，我首次同我嘅小情人過，佢每晚凌晨四點半準時飲夜奶。」
文：影視組