美國天后麥當娜（Madonna）被馬拉維官方證實領養當地4歲孖女Stella與Esther後，於社交網站Instagram公開她與孖女的合照，娜姐於郊野一手拖一女兒，Stella與Esther都穿相同款式的白波點藍裙。
娜姐留言：「我可以正式宣布我已經完成領養馬拉維孖生姊妹嘅程序，為佢哋成為家庭一分子非常開心。我深深感謝所有喺馬拉維幫助令呢件事變成可能嘅人，而我請求傳媒喺呢段過渡時間可以尊重我哋嘅私隱，亦都多謝我嘅朋友、家人同我好大班嘅工作人員嘅支持同愛！」