鍾舒漫教整甜品冧情人

歌手鍾舒漫(Sherman)趁情人節快將到來,教大家整「低脂果醬豆腐Cream Cheese杯」冧另一半,成功率高又凸顯其心思。現時變回單身貴族的Sherman,對感情事表示順其自然,不會刻意強求。

向來喜歡D.I.Y.的歌手鍾舒漫(Sherman),近年更自家製賣果醬,實行攻入美食界!趁着情人節將至,Sherman教大家整成功率甚高的「低脂果醬豆腐Cream Cheese杯」,皆因夠晒健康外,更凸顯其心思,她說:「其實作為一個女仔,如果收到個男仔整嘅嘢係會開心到爆,所以教大家整呢個甜品,簡簡單單無論男女都啱整。」整個製造過程Sherman不消15分鐘便大功告成,事後更大讚好好味!

織頸巾箍實另一半

提到以往的情人節,Sherman坦言會花心機去為男友造手作仔,希望對方可以感受這份心意:「最基本試過摺咗三百幾個心心,入面寫低我同佢嘅經歷,叫佢每日都打開一個睇,好似remind我同佢嘅回憶。」雖然Sherman喜歡D.I.Y.,但原來她最滿意的手作仔是一條頸巾:「因為我織嘢唔叻,所以能夠完成到係一個奇迹。我平時開到個頭就收唔到尾,最後我仲繡咗佢個名落條頸巾度。」

等愛情一嚟就Take

問到Sherman現時感情狀況如何?她說:「依家係一片空白,我唔覺得係咩負面嘅嘢。(想拍拖定工作至上?)咁我覺得拍拖又唔會影響工作嘅,我喺拍拖嗰方面又唔會好強求,一路專注工作,對於愛情就順其自然,如果愛情真係嚟我咪take囉。」

場地:HMV銅鑼灣旗艦店

髮型:Green Cheung @ Fifth Salon

化妝:Zoefan

衫:Rococo

文:專案組

攝:劉斌