《玄學星相》：鍾欣潼2022脫癦箍住好老公
俗語有云「面無好痣」，但不少女藝人面上都有痣，如薛家燕、鍾欣潼與楊丞琳，其中家燕姐額頭的痣更是她的標誌，而鍾欣潼與楊丞琳面頰的痣則夠銷魂，可惜不利感情運！今集東網巨星節目《玄學星相》邀得堪輿學家李居明，以玄學角度分析面部有痣對財運與感情運的影響。
李居明指家燕姐八字屬木，額頭的痣代表財星，會為她招來財富：「女性額頭又代表官星，即代表老公，所以家燕姐有少少蝕底，不利老公星。但佢今年有桃花星入局，仲要講明係9月份，大家要睇吓9月到10月，家燕姐會唔會爆冷拖個靚仔伯爺公出嚟！」
楊丞琳慎防小三
至於鍾欣潼與楊丞琳同樣面頰有痣，李居明直言會影響她們的感情運，容易被人「撬牆腳」，最好脫掉。他又指女性面頰有痣於外觀上是吸引的，讓人有一見難忘的感覺：「好似楊丞琳咁，粒癦都真係幾食胡，但係呢粒癦會造成你鍾意邊個人都好，佢會畀人搶咗，如果想結婚就脫咗佢，如果仲未想結婚，就可以用嚟吸引異性多幾年。」
至於鍾欣潼的感情運，李居明指她要到2019年才可遇到一個比較好的男朋友：「因為佢八字屬己土，2022年可以結婚，所以2022年佢將面上粒癦脫咗，就可以有美滿婚姻，老公仔先唔會畀人搶咗。」想知道面部哪些位置有痣最不利財運和感情運？就要Click入東網巨星睇《玄學星相》喇！
https://goo.gl/LGQAWY