坤坤遊日喵喵叫搵女僕
歌手吳業坤、JW（王灝兒）等前晚出席活動，坤坤表示農曆新年去了東京旅遊6日，問到可有見識女優？他坦言：「冇，但有去女僕餐廳。（有冇特別服務？）點餐啫，唔會有任何身體接觸，不過點餐嗌佢哋嘅時候，要用『喵喵』兩聲，又要念咒語，係幾有趣嘅。」提到入圍金像獎「最佳新演員」，他笑言要減肥行紅地氈。
而JW日前上載一張穿皮褸又披上大毛巾的相，並留言「凍到吐」，她表示可能因剛從外地回來未適應時差，加上在海邊拍攝又身穿薄裙，沒有吃早餐，故凍得連黃膽水都嘔出來。問到男友可有心痛？她謂：「佢有買白粥畀我食，都好Sweet。」提到兩人新春期間結伴到芬蘭及巴黎旅行，她否認與男友預支蜜月，並謂男友沒有求婚。