曾志偉讚魯芬夠義氣
藝人曾志偉昨日於銅鑼灣出席活動，談到魯芬，志偉說：「佢話視我亦師亦友，好多謝我畀機會，其實係佢自己努力先畀到機會，好鍾意佢份人，成個男人咁，有義氣同肯幫人。」
而魯芬生前好友邵音音及黃夏蕙昨日於大埔出席活動，音音表示：「之前收到佢好多問候，以為佢擔心我心臟病，唔知佢都咁嚴重！新年唔想再講呢啲，唔代表唔懷念，新年之後再講啦！」黃夏蕙則說：「我哋識咗幾十年，當時大家都係少女，佢成日話我曳，因為我拎佢隻錶畀男仔！」
另外，有關魯芬喪事的安排，魯芬姪女表示尚在安排中，有消息會另作通知。
