鄭伊娜DIY賀歲飾品

前亞姐鄭伊娜（Ena）穿上靚靚旗袍向大家拜年，經歷過皮膚問題困擾的她，揚言健康最緊要：「新年願望係皮膚好番晒，變得超級靚靚，全面復出做番幕前，簽間好嘅公司，拍廣告、電影同電視劇，當然都想搵個好男朋友錫吓、攬吓！」她又透露之前養病，亦沒有偷懶，她說：「製作咗好多小手作，影賀年相嘅大紅扇就係我用利是封摺出嚟，手上戴嘅銀珠鏈都係我親自設計！自細就鍾意藝術創作，今次影相可以將鍾意嘅小手作騷出嚟，特別開心！」