今年約滿無綫的藝人黃宗澤（Bosco），早已在內地拍劇拍出名堂，有不少賺人民幣機會，因而傳他將離巢。原來Bosco已跟無綫高層樂易玲傾妥繼續合作，形式則轉為簽無綫附屬的邵氏電影公司，正當外傳Bosco轉簽邵氏，會主力拍電影及兼拍無綫劇，更有傳酬勞逾二千萬元，對此Bosco昨日未有否認，並說：「係去過同樂小姐拜年傾偈，但新合作等遲啲會公布。」樂小姐卻回應稱：「Bosco係簽咗邵氏，佢有好多嘢啱做，唔止拍電影、電視劇，我哋會同佢搞製作，好似王祖藍咁，佢有好大發展空間，酬勞當然唔係外傳嘅二千萬。」
另外，Bosco早前跟同期好兄弟林峯在橫店相遇，即相約聚餐，同場還有不少台前幕後如女藝人葛天等，Bosco疑飲得興起，行路時左搖右擺，要助理攙扶。