韓星李英愛主演的韓劇《師任堂，光的日記》由TVB OTT平台myTV SUPER與韓國方面同步推出，更是myTV SUPER首次以配音版與韓國同步推出。但有熱心劇迷質疑港版《師》劇經過刪剪，與韓版有出入。
無綫電視節目部總監李啟昌受訪時澄清說：「myTV SUPER播嘅版本係韓國提供嘅海外加長版，呢個版本除咗香港，台灣、日本亦同樣採用，由於韓國同海外需求唔同，呢個版本係由韓國剪接，較韓版多幾分鐘。而我哋係早幾個月前已經取得片段，加咗配音及字幕方便劇迷，呢個亦係《師》劇嘅賣點。」對於劇迷對配音與字幕有意見，李啟昌說：「其實我哋收到好多回響，亦見到有好多用戶睇緊，希望觀眾會鍾意。」