一打上癮雀局發新年財 欣宜男伴2揀1棄坤愛鏗

「女神」鄭欣宜昨日接受東網Facebook直播訪問，由主持陳振安讀出網友提問。欣宜跟大家拜年後，表示稍後要忙宣傳電影《29+1》，日前已抽空跟爸爸鄭少秋食飯度新歲，更在年卅晚學識打麻雀：「細個唔鍾意打牌，因為成日要喺麻雀度搶媽咪（沈殿霞）番嚟，但年卅晚我戥腳，明咗點解媽咪咁鍾意，我第一日贏廿三蚊，初二去爹哋屋企打牌贏咗二百幾蚊，好叻！不過我有屈爹哋，話贏就係我嘅，輸就佢包底。」

去杜拜嫁油王？

提到曲奇餅生意，欣宜自爆原本與「同行」謝霆鋒約埋農曆新年一起宣傳曲奇：「但夾唔到期！其實係佢提出，好開心。」另外，有網友問她如果世上只剩下許廷鏗（Alfred）及吳業坤，她會選擇誰？她衝口而出：「呢個問題好變態！」之後即謂一定會揀Alfred：「唔係坤坤有咩問題，係我同Alfred真係好熟，我哋係孖寶！」講到感情事，她搞笑謂如果今年冇拖拍，決定去杜拜搵個油王結婚，笑言肥妹在當地應該很受歡迎。

期間有網友留下負評笑她「肥嘢」，欣宜主動讀出，並一笑置之：「我覺得好笑嘅係，佢仲要入嚟留言。」果然EQ爆棚，即獲其他網友加油。講到前晚她在網上大晒火辣泳衣相，她透露上兩星期趁空檔到泰國旅遊，又指多得東網報道才有這麼大回響。

文：音樂組