「四洲太子女」戴凱欣（Kennis）於年初三赤口，邀請好友方中信與太太莫可欣及女兒、宣萱、歐陽震華和太太等在家中開大食會，眾人均穿上紅噹噹衣服，十分熱鬧。Kennis透露當晚炮製一半菜式：「我自己煮一半，朋友煮一半，我負責蒸咗條魚、煮咗黃金蝦、金銀蛋豆苗，同埋煲咗個髮菜蠔豉蓮藕湯。」
此外，Kennis男友樊林爽在社交網站留言指今年會多逗利是，問到是否暗示明年結婚？Kennis笑說：「因為個個朋友都叫我哋唔好再收。（有冇結婚計劃？）今年真係會開始認真計劃，我自己都40歲。(會點搞？）想旅行結婚。（生小朋友？）睇個天啦，有嘅話都開心，我會努力。」
