Young樣呃晒外國人！ 張紋嘉引小鮮肉約會

歌手張紋嘉（Crystal）日前相約師弟鄭世豪、何弘軒及組合ReVe食開年飯，眾人見到美味盆菜都食指大動！談及新年願望，去年到美國修讀演藝課程的Crystal，希望今年多在戲劇方面發展，並特別想做喜劇。問到上學時可有識番個靚仔老外？她坦言有隔籬班男仔約出街，但因相差10歲而拒絕發展：「外國人睇亞洲人樣會細個啲，佢哋以為我同佢哋差唔多都係廿歲出頭，我話已經31歲時，佢哋呆咗，但覺得更有挑戰性，不過唔得啦，太細個。（有冇應承出街？）出過一次街，但只係普通食飯傾偈。」
Crystal引小鮮肉埋身，不過Date完冇下文。
Crystal引小鮮肉埋身，不過Date完冇下文。

至於鄭世豪的新年願望是做更多好歌、開音樂會及跟太太衝出亞洲旅行；何弘軒則表示會出EP、開音樂會、拍旅遊特輯及到內地拍網劇；而ReVe亦會出EP，希望年底踏上頒獎禮舞台多謝同事。

場地：福門海鮮菜館

Crystal率領師弟食開年飯，齊齊開個好年！
  • Crystal率領師弟食開年飯，齊齊開個好年！
「愛妻號」鄭世豪希望與太太衝出亞洲遊埠。
  • 「愛妻號」鄭世豪希望與太太衝出亞洲遊埠。
相機食先！眾人開餐前影餐飽。
  • 相機食先！眾人開餐前影餐飽。