爸爸恨抱孫 傅嘉莉拋個波畀阿哥
藝人傅嘉莉（Kelly）日前到旺角花墟買花行大運，在無綫新劇《財神駕到》首任女主角的她笑言要搬桃花回家，藉此催谷觀眾緣：「以前覺得未需要，但今年想試買桃花！我希望人緣好啲，唔一定指異性緣，而係想多啲人鍾意我嘅新劇角色！」首度擔正的她坦言受寵若驚，更為此「搏到盡」，每日只睡兩小時：「拍劇期間仲拍埋另一部劇，通宵拍完一部就出去拍另一部，連續兩個禮拜都每日只瞓兩個鐘！」
諗定請人食檸檬
問到戀愛運，Kelly指家中長輩雖然沒有催婚，但爸爸非常恨抱孫，但她決定先作事業衝刺，講明新一年謝絕異性追求：「2016年太多誤會。（有人追都會拒絕？）會Say no，但我唔會講得咁明確，唔搵對方就已經知。（目前有人追？）冇，又可能我完全感覺唔到。（父母有冇催婚？）佢哋都希望我幸福，但認識我係工作狂，所以我將家庭重任交畀哥哥，叫佢快啲結婚，頂住檔先，因為爸爸好鍾意小朋友。（佢想抱孫？）佢好恨呀！成日玩人哋隔籬鄰舍啲孫！」
髮型：Ray Mork @ Fifth salon
場地及花卉：Brighten繽紛
_