龔嘉欣彈開避桃花 事業衝刺 愛情免問

藝人龔嘉欣（Katy）去年名利雙收，不但經常拍劇出騷密密搵銀，更在無綫台慶頒獎禮奪「最佳女配角」獎。踏入正月初二，她品嘗了豐富的開年飯，期望雞年繼續健健康康，事事順利！不過，她見到道具桃花時立即大叫「避之則吉」，受訪時笑說：「我唔係好迷信，但假嘅（桃花），如非必要都唔好掂！（因為上年多假同爛嘅桃花？）係覺得上年感情多無妄之災，希望新一年可以擺脫呢啲！」

放低包袱求突破

她笑言很喜歡真桃花，自小已養成「良好習慣」：「爺爺每年都喺公司擺桃花，我細個同阿哥成日搖棵花，爺爺都冇發現啲花瓣點解跌得咁快！」至於另一種「真桃花」，她表示會慢慢來：「如果遇到一個感覺啱嘅人，都覺得要長時間先會真正發展戀人關係。」工作方面，問到會否想冧莊奪女配？她揚言已放下包袱，期望觀眾見到其演技日益進步：「每套劇都要畀大家睇到我有唔同，或者去咗另一個階段！」

文：影視組

攝：司徒國榮

化妝：亨利

服裝：MarketLibertyhk

場地：城寨風味

鳴謝：Barry @ Oneness