玄學星相：鄭嘉穎感情有突破 隨時結婚
余文樂、鄭嘉穎同袁偉豪三位男神都是在雞年出生，他們新一年的事業運同健康運會如何？今集《玄學星相》請來堪輿學家麥玲玲以玄學角度分析三位男神的雞年運勢！
麥玲玲師傅表示三位雞年出生的男神袁偉豪、鄭嘉穎同余文樂，今年犯本命年要小心身體：「三個男仔都係要小心啲，如果係拍一啲動作片，譬如係策騎呀、車呀嗰啲危險場面就更要小心，因為容易受傷整親！而雞本身係容易受金屬所傷，所以開車要小心啲啦！如果真係有武打場面，又或者係爆炸場面都要小心。」
袁偉豪利金最旺
至於三人中邊個最旺呢？玲玲師傅就話袁偉豪最有着數：「睇番佢哋三個，袁偉豪本身利金，佢本身屬土但喺火嘅月份出世，咁會着數少少。」鄭嘉穎同女友陳凱琳感情穩定，玲玲師傅就話二人係時候要計劃終身大事：「嘉穎踏入關口年，即係要決定娶定唔娶，點樣安排，如果唔係人哋就會走㗎喇！咁相對上，嘉穎可能喺感情上有突破，包括訂婚呀、或者買層樓畀人呀，嗰種係有機會嘅！」
鄭嘉穎同余文樂依家都主力在內地工作，玲玲師傅表示他們很適合去外地發展：「嘉穎屬水，余文樂本身屬木但亦都浮喺水度，所以兩個都合適。嘉穎喺雞年除咗係本命年之外，亦都天合地合，所以都幾清楚要喺感情上下一啲決定！而余文樂喺事業上可以繼續喺大陸唔同地方發展，兩個都好適合喺外地工作，而且會將外面嘅名氣帶返嚟，會更加強化咗。」想繼續聽師傅點講？就要Click入東網巨星睇《玄學星相》喇！
文：專案組
https://goo.gl/Nu3qyE