藝人黎諾懿及風水師麥玲玲前晚到太古出席品牌活動，諾懿透露懷孕七個月的太太李潔瑩健康狀況良好，希望乳名「小春雞」的囝囝將來是個靚仔，又指之後會努力追女：「會配合風水、方位、中醫！」並笑言多得薛家燕教路助他一索得男：「佢話如果朝早行埋就會生仔！」麥玲玲則批算諾懿子女聰明讀書叻，但可能要生兩子之後才生女：「佢個命屬於仔多，生女就要請教Bob（林盛斌）喇！」
