何浩文帶女友見家長 畀老竇評分

藝人何浩文和唐貝詩趁農曆新年前夕，相約整飯糰，寓意「團團圓圓」，見唐貝詩將飯糰搓成金字塔般，十分搞笑！近年何浩文事業順利，去年又榮升食店老闆，又覓得圈外女友Candy，可謂相當順意，他說：「新一年希望演藝事業有更大發展空間，食店開更多分店。」會否同女友拉埋天窗？他說：「未有咁快，但今年會帶女友返屋企拜年，會畀評分紙阿爸畀分，睇吓佢合唔合格過到阿爸嗰關。」