莊思敏 莊思明 初一鋒芒「不」露

貴為拿督女兒的藝人莊思敏(Jacquelin)與胞妹莊思明(Lisa),從小跟隨中國傳統習俗過年,Jacquelin說:「年三十晚好忙,要清理所有垃圾,又要準備年初一嘅嘢,因為初一唔可以用鋒利嘅嘢,例如鉸剪、刀,所以要剪定新衫嘅牌,仲要切定餸菜同糕點。」Lisa聞言亦說:「連掃把、剪手甲都唔做得,剪頭髮同洗頭都要初一前做晒。」

Lisa還透露大年初一會穿紅色內衣褲:「由細到大慣咗着新衫過年,內衣褲一定係紅噹噹,年三十晚沖完涼即刻着!」問到單身的Jacquelin會否去拜姻緣?她表示會,笑言希望2018年能派雙封利是:「我知道裝到頭炷香係會好運,但唔夠夏蕙姨(黃夏蕙)爭!」問與楊明蜜運中的Lisa何時派利是?她笑說:「我有派,開工利是!」

場地:雲來軒

_