JW被催婚 搵家姐過橋
今日年廿八當然要洗邋遢，歌手王灝兒（JW）與關楚耀（Kelvin）約埋師妹小雲齊齊為公司洗車，不過似玩多過幫手，最後更變成幫小雲洗邋遢，非常搞笑！JW表示每到農曆新年，都會有很多親戚到訪家中，所以會事先清理好家中雜物：「因為我哋屋企好傳統，全部屋企人都要嚟拜祖先，朝早就裝香、添油、換茶。」Kelvin則笑言會買定新底褲迎新歲：「點都要着番啲新嘢，買Shocking Pink好似勁啲！」
問到若被親友催婚會如何應對？蜜運中的JW笑指家姐剛結婚，自己應可「逃過一劫」；同樣有拖拍的Kelvin亦非常淡定，並諗定對親友說：「到時早啲到。」答咗等如冇答！
