胡諾言 陳琪 五福臨門 緊張似娶新抱
藝人胡諾言與太太陳琪前晚在主題樂園為囝囝胡澔錕（Jayden）舉行百日宴，與大女胡芷苓（Jay）及細女胡芷悠（Jacey）影全家福，相當溫馨！有仔萬事足的陳琪坦言覺得「五福臨門」，人生圓滿。人仔細細的Jayden以西裝造型亮相，全程眼仔睩睩，成功俘虜到賀的陸詩韻、陳庭欣、吳家樂、沈震軒及胡蓓蔚等歡心。
衣着勁過去台慶
胡仔與囝囝穿「父子裝」亮相，他透露Jayden的乳名是「波仔」，希望兒子日後名利及健康都勝他一籌。陳琪則笑言衣着比台慶更隆重，心情則猶如娶新抱：「結婚嗰陣都唔使籌備咁多嘢呀！今晚請咗約百位賓客，有啲朋友仲話要同我個仔上契，已經有產品想搵BB拍廣告喇！」
陳庭欣有法拉利收？
至於陸詩韻被問到會否羨慕胡氏一家幸福滿瀉？她說：「單身都有單身嘅幸福，依家冇拍拖，會細心啲揀（對象）。（有咩新工作？）嚟緊會拍《深宮計》，監製出名要求高，加上係古裝劇，對白同頭飾都講究，自己都想做好啲！」
另外，陳庭欣事後在網上自爆「收大禮」，差點就獲「贈」法拉利！原來她出席百日宴後取車時，職員調錯泊車證，誤以為她是法拉利車主而叫她上車，當時她心想：「架車係我嘅就正！」職員後來才知道擺烏龍，陳庭欣留言玩食字，笑說集虛幻及驚喜於一身，即「虛驚」一場！
文：影視組