譚炳文落雨見氣喘
藝人譚炳文昨日到九龍城出席活動，並談到近年健康每況愈下：「我83歲啦，年紀大就麻煩啦，依家落雨都會氣喘！冇法啦，十幾年前做過心臟手術，我家陣都唔係好行得，條腰唔好，搞到冇運動，唔想做運動。（醫生有冇咩健康忠告？）醫生冇嘢講，只係畀藥你食。（會減輕配音工作？）配音方面會搵啲冇咁重戲嘅嚟做，但求畀腦筋郁吓，好過唔做嘢，唔通坐喺屋企對住工人咩？」
他與李香琴向來老友，問到近年可有聯絡？他說：「好耐冇聯絡，唔知佢近況點，佢冇出嚟又冇見面，傾電話都冇，佢『le le lur lur』咁，打去同佢工人講咩？人老咗就冇法，有幾個似胡楓咁仲可以跳舞唱歌，佢仲大我兩年添！」