執定走佬袋 陳爽隨時生得

藝人陳爽與形象指導許嘉浩（Karl）昨日出席美術館開幕活動，腹大便便的陳爽透露B女Ashley還有約兩星期就出世：「我預產期係農曆新年，我選擇自然生，所以唔知會係邊日，已經執定走佬袋，生完會餵母乳。（囝囝有冇呷醋？）開始可能有，不過始終佢仲細，得兩歲，未有好大概念，佢依家好期待有人同佢一齊玩，生完出嚟先睇吓佢嘅接受程度。（接受會再生？）暫時兩個先。」