古天樂「娶」佘詩曼 恐怖過肢解
藝人佘詩曼、古天樂、張智霖（Chilam）及蔡卓妍（阿Sa）昨日出席新片開鏡拜神儀式，Chilam在戲中將林家棟肢解，已經夠恐怖又血腥，不過古天樂竟稱與佘詩曼演夫妻的恐怖程度勁過Chilam！
古天樂、佘詩曼及Chilam昨日出席新片《常在你左右》開鏡拜神儀式，戲中的Chilam要肢解林家棟，情節驚人，不過古天樂說與佘詩曼演恩愛夫妻，笑指恐怖程度與對方相若，並反問記者：「夠恐怖未？」十分搞笑！
Chilam素顏拍戲
首次拍靈異題材電影的佘詩曼，稱看恐怖片看三分鐘就已經怕，古天樂則笑指：「三分鐘都係啲片頭咋！」問到可有因害怕而不接拍？阿佘說：「拍嗰陣就唔係好怕，因為知故事講咩，最靈異咪喺屋企睇劇本嗰陣囉！」
戴Cap帽及太陽眼鏡的Chilam，透露戲中是絕望的人，會肢解林家棟，不過又會給其他人希望，笑指為投入角色狀態，在妝容花了不少工夫，不化妝為要將黑眼圈、紅眼凸顯出來：「我為咗部戲晚晚出去玩，我同老婆講佢都唔信！我平時太容光煥發。」
搲11蚊搭車
阿Sa則透露日前去「朝聖」看Big Bang演唱會，但身體不適要中途離場，更在IG留言指是她有史以來看得最辛苦的一場演唱會，並稱當日腸胃不適，已肚屙十多次，到場後要等又凍：「最後真係唔得，旁邊啲人話我面青青，真係差啲暈咗，又好難搵車！」更自爆提早離場時與馬天佑搭小巴卻身無分文，又冇八達通，幸有途人伸出援手：「香港人真係好有善心，借咗11蚊畀我哋搭小巴，都唔係借，係畀。」
另外，鍾欣潼前晚36歲生日，身為好姊妹的阿Sa陪慶生，並在微博貼出合照賣萌。
文：影視組