「低音黎菩薩」起風雲 祥仔Sing呢與譚耀文「兄弟重逢」
藝人黎耀祥、譚耀文和閻奕格昨日出席屯門市廣場《風雲5D音樂劇》宣傳，身為視帝的祥仔4月將為音樂劇化身「泥菩薩」在紅館初試啼聲，他自嘲：「低音低到潛咗落水底，我怕搵唔番。」
《風雲5D音樂劇》演員「泥菩薩」黎耀祥、「無名」譚耀文、「孔慈」閻奕格及製作人陳淑芬昨日現身活動，阿譚表示上次《雪狼湖》差點有機會與陳淑芬合作，故今次對方找他演出，要他演甚麼也可以。而現場首播阿譚劇中歌曲《慾望面前》MV，以及祥仔和鄭丹瑞合唱的《天機》，陳淑芬讚「非唱家班」的祥仔是錄音最快一個，指他是「黎菩薩」有求必應。
閻奕格期待古裝造型
祥仔和阿譚表示上次合作已是二十年前劇集《壹號皇庭》演兄弟，今次再合作是一種緣分。講到錄歌快？祥仔說：「係對我冇乜要求，始終我唔係歌手，要講對白又要有個音唱出嚟，對我嚟講係難，但開心，因為呢個係香港前無古人嘅音樂劇，相信係繼《雪狼湖》後最勁嘅音樂劇，今次仲有武打同特技，所以好期待。」阿譚亦說：「有睇佢之前唱歌啲片，唱得好好呀！」祥仔笑言：「講對白都要好磁性，我都怕我嘅低音潛咗入水執唔番！」
至於閻奕格即場戴上劇中聶風送的定情信物蝴蝶造型足金手鈪。問到排練情況？她說：「唔擔心唱歌，反而係擔心演戲。」又表示今晚會試造型：「都有信心（穿古裝）。（古裝怕唔怕紮住個胸同腰，歌唱運唔到氣？）應該冇問題。」
文：音樂組
攝：林蔚欣