前晚Big Bang騷被投訴安排混亂，前晚有入場睇騷的楊千嬅透露與老公丁子高等人排隊入場用上一個半小時，加上睇騷兩個小時，前後企了三個半鐘，令她腰骨勁痛：「除咗因為排隊係咁企外，主要係跳舞『Un』足兩個鐘，我哋一齊嘅十八個朋友都搞到腰痛，但痛都好值得，因為整個製作好有水準，但係一個好好嘅觀摩，始終第一次搞，缺少經驗，在所難免，香港吸收咗經驗之後，可以搞好啲。」
另外，不少粉絲炮轟大會在首場騷安排混亂，現場未有清晰指引，加上僅五名工作人員在入口處負責檢票，以及只得一個入口，未能疏導人潮，令粉絲入場與離場也被迫滯留數小時，引起眾怒並斥是史上安排最差的演唱會，不少粉絲更在大會的Facebook專頁留言要求道歉及退款。