許靖韻讀女校玩濕身
剛大學畢業的歌手許靖韻（Angela），對讀書時一幕幕開心片段，依然記憶猶新，她說：「我中學喺保祿六世書院女校讀書，讀女校比較開心，因為冇男仔嘅時候，每個女同學都好率直、爽朗，亦都可以玩得好放。」她笑言最深刻每年的聯校活動：「會同男校有啲聯校活動，好似聖誕派對，當啲男仔入嚟學校，啲女同學好似癲咗咁，呢啲畫面、情況到依家都好記得，我比較冷靜，但身邊同學會比較瘋狂。」
夏天上體育堂，因為成班女仔關係，她們會在更衣室玩水戰，Angela笑說：「喺入面攞水周圍射，真係好好玩。」中七畢業禮晚宴，她有份表演，進入大學後都有好多開心回憶：「大學住hall（宿舍）係必經同一定要做嘅事，嗰時不停喺hall唱歌、彈結他，結他我都係大學先學，仲有第一次去O Camp，識到第一班朋友。」
