唔恭喜蘇麗珊游學修Ready新戀情
藝人溫碧霞、周國賢、游學修、袁澧林和黃心美等前晚在葵涌拍攝ViuTV實況處境劇《三一如三》煞科戲。游學修在訪問中坦言因觀眾有讚有彈而高興，又謂未來亦會以監製兼導演身份與電視台合作，望與盧海鵬拍攝以「仇老」為題材的劇集。
提到前女友蘇麗珊有新歡，他說：「人哋嘅嘢唔多講喇，一路以嚟好多人話我慘、陰功，我想向關心我嘅人講我依家好安好、好幸福。（有冇搵吓佢恭喜佢？）恭喜佢拍拖？冇啦！（幾時到你？）唔講o架喇！（有識新朋友仔？）認識咗好多o架啦！（即係Ready？）Ready啩！」
至於以紅色Deep V晚裝上陣的溫碧霞亦希望完成三套電影後，就拍攝以自己成長為藍圖的故事。