劉浩龍酒店洗衫底褲變胸圍！
剛由泰國拍完戲返港的劉浩龍（師兄）昨日出席滅罪活動，自爆在泰國發生失底褲事件，大呼：「感覺好邪！」師兄每次出埠工作，都習慣自己清洗內衣褲，有次收工返房沖完涼，將穿過的污糟衫及內衣褲袋好放在洗手間垃圾桶旁，準備晚飯後回來清洗，怎知回來後整個袋的內衣褲不翼而飛。
師兄說：「第一個感覺係冇理由男人底褲都有人偷，我冇底褲着喎！原來酒店員工幫我攞咗去洗，點知洗完畀番我係一袋胸圍底褲，我即刻話：『嘩！邊個o架！』好彩搞咗一輪都搵得番自己袋衫。」他指農曆新年會放假休息，但擔心自己「肥龍」底，過年後必須努力收身。