樂易玲爆歐錦棠狂請990日病假
無綫高層樂易玲昨晚在活動中被問到歐錦棠早前受訪形容她為「婆娘」一事，她指歐錦棠久未在TVB開工：「Check番佢係2013年開始請假請，請咗990幾日病假，但佢有病假紙，最後當然完咗約，佢亦推咗《城寨英雄》、《公公出宮》同《無雙譜》等劇，其實角色係有發揮嘅，製作部亦投訴，話佢可以出去做舞台劇同拍戲，但唔拍公司劇。」
歐錦棠稱樂易玲為「婆娘」，皆因她曾指歐錦棠「亞視味濃」叫他等機會，對此，樂易玲說不記得有否講過：「我同好多台前幕後都係亞視出身，有咩問題！（依家係交惡？）冇同佢聯絡過，唔知點解會咁。」
對於歐錦棠爆樂易玲在陳鴻烈離世事件上「爭嘢講」，樂易玲指成件事好心噏，不想再提，但知道陳鴻烈大女在台灣畢業並找得工作，亦有寫信給方逸華，令樂易玲安慰。對於請病假990日一事，截稿前未能聯絡得上歐錦棠。