傅嘉莉喪買樓懶理被指忽然富貴
藝人傅嘉莉（Kelly）和岑杏賢等昨日到尖沙咀宣傳無綫節目《新春開運王》。Kelly以紅色喱士透出內裏黑色tube top，再加長腿搶鏡，她說：「堪輿師傅話我適合買磚頭，我以前買過三次都賺，依家冇樓，想買。（唔驚人話你忽然富貴？）清楚我嘅人都知我以前做model好多作品，所以唔驚誤會。」
岑杏賢則透露在家擺桃花陣：「我擺咗個音樂盒喺廁所。（心急拍拖？）唔係，桃花都有利工作、人緣，我已經復元晒，不過未有人追，可能唔敢追，我唔心急嘅。（舊愛袁偉豪新年會同你屋企拜年？）冇講喎，可能佢忙啦。」
