薛凱琪發燒狂咳被迫收聲

許志安、薛凱琪、鄭欣宜、許廷鏗、何雁詩、菊梓喬(Hana)、組合Super Girls(SG)等前晚到廣州出席「第三屆粵語歌曲排行榜頒獎典禮」,安仔跟薛凱琪分別奪得歌曲獎及「最受歡迎男、女歌手」獎,薛凱琪因發燒咳嗽而未能演唱感到遺憾。獲得歌曲及MV獎的劉浩龍透露今年8月將舉行個唱。

露腰又露腿的SG首次在內地大型頒獎禮奪得「最受歡迎組合」,但成員Yanny因胃痛缺席,隊長Aka笑說:「雖然佢嚟唔到,但佢嘅精神都喺度。」此行她們最開心品嘗當地美食,她笑說:「芋圓真係好食到不得了,我哋每人食咗兩碗。」而欣宜延續《女神》在港頒獎禮威勢,再奪「至尊金曲獎」大獎,她說:「《女神》帶畀我好多嘢,好幸運得到一首咁好嘅歌,首歌就好似有個靈魂喺入面、帶出一個好重要訊息我哋要自愛。」Hana第一次以星夢歌手的身份,跟同門兄姐上廣州領獎,她說:「好好玩笑唔停,好鍾意呢個大家庭。」