志偉贏千萬有高人指點

曾志偉、陳智燊與宋熙年等昨午出席拜神儀式,最近因賽馬贏得1,600萬的志偉前晚抵達後,隨即設宴三圍請同事食飯,他說:「簡直係瘋狂、黐線,諗唔到發生喺自己身上!(贏錢多過陳百祥?)可能累積佢多啲,我就一次性。」問到是否有內幕貼士?志偉說:「冇貼士但有問吓朋友,嗰晚成班一齊買,淨係得我中,整定!(捐錢做善事?)唔使刻意,長年都做緊。」他又坦言每日收到十多個祝賀電話:「叫我請食飯!有一日試過食四餐,不停重複埋單。」

陳智燊被問到心水佳麗時曲線讚老婆宋熙年:「未睇,但冠軍我都娶咗返屋企,當年覺得佢好有自信,希望佳麗都抱平常心突出自信。」問到會否趁在外地造人?宋熙年笑說:「冇啦!呢排大家都好忙。」