近年主演美劇《荒原》及參演荷里活電影《魔獸爭霸：戰雄崛起》的型男吳彥祖，前日落實再拍遊戲改編大製作，加盟新版《盜墓者羅拉》，與金像女星雅麗茜亞維嘉達（Alicia Vikander）拍住上，吳彥祖自言好開心可以到結婚地南非開工！
早年由美國女星安祖蓮娜祖莉（Angelina Jolie）主演的《盜墓者羅拉》（Tomb Raider）系列電影，曾請來本地型男任達華加盟，今年開拍新版亦搵來吳彥祖（Daniel）上陣！新版《盜》片由雅麗茜亞擔正演「羅拉」，Daniel將飾演一名叫「Lu Ren」的船長，協助羅拉尋找父親。是次是他繼《魔獸爭霸：戰雄崛起》（Warcraft）後再參演電子遊戲改編的作品，由挪威導演Roar Uthaug執導，男星Walton Goggins出演奸角，將於明年3月16日於北美上映。
Daniel昨日接受本報訪問時透露，將飛到南非取景：「好開心有機會拍一套咁好嘅戲，同咁多優秀演員合作，最開心係喺南非呢個特別同難忘嘅地方拍攝！」Daniel與太太Lisa S.早年於南非結婚，當地對他來說特別有意義，他還表示將於當地過年：「因為外國冇農曆新年，今次一去就會於當地度過（農曆新年），當然會唔捨得囡囡，但今次係個好好嘅機會，係一個荷里活嘅大製作！」他續透露太太和女兒身處美國，因女兒要上學而未能同行。
Daniel主演及與馮德倫聯合監製的人氣美劇《荒原》（Into the Badlands）去年大獲好評，火速添食開拍第二季，加上《魔》片為他儲落不少粉絲，今次更獲邀加盟新版《盜》片，認真巴閉！
文：外娛組