吳業坤自嘲抓搲反應

東網巨星節目《娛樂onShow》主持俞詠文（Angela）今集請來歌手吳業坤擔任嘉賓，與觀眾分享音樂路及近況。坤坤過去一年桃花運強勁，每次上載與女藝人的合照都會傳緋聞，近期卻改為上載食物及工作照片，Angela笑指其社交網轉向沉悶，坤坤說：「冇辦法，人係需要沉澱同審視一下，究竟有咩應該做同唔應該做。」

他坦言網絡世界已失控：「網絡世界唔係唔到我去接觸，而係唔可以喺呢個世界太暴露！（有冇粉絲話你個社交網冇之前咁開心？）其實有時都會盡量自嘲，依家每日都要諗定講乜，其實都係一個負擔。」

開舖做老闆有甜頭

屋邨出身的坤坤要養家，最近卻開設拉麵店及西裝店，對於被網友指「偽窮」，他說：「拉麵店其實係小試牛刀，好多嘢都係陳國峰同監製Ken搞，我就係當年儲咗錢嘗試投資。（成唔成功？）都可以話有啲甜頭，另外開咗西裝舖，原本係儲首期，但樓市太瘋癲，點追都追唔到，所以不如拎啲錢去投資！」想知道更多坤坤的心底話及感情事？快啲去東網巨星睇實《娛樂onShow》！

Angela取笑坤坤的社交網「冇女睇」，似乎有點悶。	吳業坤、王君馨 坤坤每逢上載女星合照都會傳緋聞，搞到佢勁頭痕！	徐子珊、吳業坤

服裝：American Eagle Outfitters　

場地：Neway

文：專案組