癮君子廚神黃子恆喪偷師
無綫藝員黃子恆於新劇《味想天開》內扮演人氣廚神，周旋在朱晨麗及梁靖琪之間陷入三角關係，更沉淪毒海一蹶不振！子恆直言挑戰極大，更多謝監製給他機會：「今次係入行多年來最多戲份嘅一次，加上好多拍檔唔熟，或者從來冇合作過嘅。我上網參考咗好多吸毒者嘅行徑，發覺佢哋會失控到只重複做一個表情，我盡量眼淚、鼻水一齊流。」
飾演「廚神」，愛煮嘢食的子恆說：「我整西餐比較叻，今次有專業廚師跟場準備菜式畀我哋拍，梗係乘機偷吓師啦，中菜比西餐更講求學問！」他又大讚拍檔洪永城及蔡思貝很有火花，大膽尋求新的演繹方式，令他與朱晨麗要坐埋一邊剝花生：「我哋好似去圖書館咁，好認真同嚴肅去對待成件事。朱朱好勤力，我要做更多功課。」至於拍攝時最難忘是有次廠內關了冷氣，但同一時間用五個炭爐拍煮食場面，幾乎呼吸唔到！
