鄭中基 「暴龍哥」上身新正頭禁爆粗

歌手鄭中基（Ronald）入行廿年，繼上次個唱後相隔十年再登紅館，將於本月27日（年三十晚）至30日（大年初三）假紅館舉行一連四場《鄭中基PLAY IT AGAIN世界巡迴演唱會》。是次巡唱於去年9月在澳門揭開序幕，他透露紅館騷會與澳門站不同：「上次澳門只係原本設計嘅六成，冇咗好多嘢，例如升降台、煙花，但今次會有番晒，同埋會有兩條catwalk，希望可以去到遠啲同高啲嘅地方。」問到可會「暴龍哥」上身？他笑言：「好多人都問會唔會用『暴龍哥腔』唱歌，我真係未試過，會試一試睇吓O唔OK先。（夾雜粗口？）咁又唔會，新年流流，一家大細，唔係幾好嘅。」

任歌迷點唱

Ronald又透露會與大家分享多年來的心路歷程，除經典金曲外，亦會選唱一些平日較少唱的歌：「好多歌啲人想聽但又唱唔晒，所以今次會有點唱環節。」嘉賓方面，他只透露會有爸爸鄭東漢及囡囡上台獻唱，他笑說：「囡囡自己作o架啲歌，所以佢唱咩我都唔知，佢揀歌仲嚴過我，一星期轉幾次。（三代同堂表演？）真係要睇我個女。」他坦言囡囡喜歡音樂，問到會否培養囡囡做接班人？他說：「睇佢自己啦，唔會逼佢一定要學啲乜，但so far佢都鍾意音樂，因為係佢自己話要學琴同唱歌。」

Ronald為與歌迷近距離接觸，特意於舞台加設兩條catwalk。	Ronald的個唱將新增點唱環節。	Ronald指囡囡愛音樂，但不會逼她做接班人。

生性做人父

Ronald坦言育有一仔一女後生活上有改變：「有咗小朋友後真係會成日掛住，到佢哋大啲又會唔肯畀你返工同出街，例如我出去做嘢，囝囝會指住自己，意思要帶埋佢出去。」雖然愛錫仔女，但他自言是位嚴父：「玩可以玩到好癲，但曳嗰陣要糾正，太曳會鬧佢哋，要畀佢哋知道。」

服裝：JKOO

髮型：Horace@ HairPlay

化妝：Mon Chun

文：音樂組　

攝：張福宏