糖妹放聲氣叫人追
歌手糖妹日前在尖沙咀出席活動，透露跟同場的林奕匡講定，約好2017年一起合作做歌：「其實我哋係同屆新人，佢就嚟開售票演唱會，所以我都要努力啲，希望可以今年開。」講到2017年願望，糖妹希望在外國讀書的細佬可以考間好大學，問到可想儲錢買樓？她說：「年年都想買樓，但要睇細佬讀成點，同埋希望有錢畀爸爸媽媽去多啲旅行。」
糖妹單身多時，笑言想搵個男友：「我同陳瀅傾偈，啲人以為我哋好多人追，所以唔敢追我哋，其實我哋都冇呀！（互相介紹朋友？）都可以。」單身可以令她釐清自己的目標，故不介意單身多一段時間。