Nichkhun爆肌阿伯最怕嘈
韓國男團2PM成員Nichkhun早前來港出席活動並接受本報訪問，Nichkhun大談家人般的2PM隊友，更坦承自己是最怕人嘈的「伯伯」，十分爆笑！其實「野獸偶像」Nichkhun一身爆肌，他希望參與需要力量的綜藝節目。
Nichkhun早前獲邀來港在大埔超級城參與慈善活動，難得來港，Nichkhun最希望有機會去蘭桂坊見識，而品嘗到辣蟹令他覺得十分美味！問到身材超正的Nichkhun有何秘訣？他笑言：「冇咩秘訣，想食嘅食物會照食，我鍾意做Gym、打Golf同羽毛球，平時唔使開工都會喺屋企睇美劇同做運動。」
澤演最叻「老點」
隊友澤演之前在綜藝節目上說他是「伯伯」，Nichkhun亦笑着承認：「因為我鍾意早瞓，唔鍾意嘈吵聲，如果隊友睇電視聲太大我會鬧佢哋，所以咁畀隊友話我十足老人家！」問到如果以家庭成員作比喻，他怎麼形容2PM的隊友？Nichkhun說：「佑榮係隊中嘅媽媽，佢會打掃，而澤演好有組織能力，係爸爸，但佢成日『點』成員做嘢，自己就唔郁手！俊昊係個好頑皮嘅兒子，成日唔聽『父母』嘅說話。至於Jun.K同燦成分別係好多說話嘅叔叔同寵物貓，燦成好似貓咁成日瞓覺，又會攬住成員詐嬌。」
扮宋承憲勁搞笑
另外，Nichkhun早前在節目《SNL Korea》中扮演宋承憲及宋慧喬的學生時代，被網友大讚搞笑，不過他坦言未曾看過劇集《藍色生死戀》，當時只是看看片段來模仿，因要一人分別扮男裝及女裝，所以拍了四小時。Nichkhun想再參與綜藝節目，如需要力量的《叢林的法則》、《Running Man》及需要煮食的《三時三餐》都有興趣。今年Nichkhun在韓國、日本、泰國及中國都有不少工作計劃，會有更多機會見粉絲。
文：外娛組